su sucho blog: September 2013

Wednesday, September 25, 2013

လိင်အင်္ဂါသေးလို့ စိတ်အားငယ်နေသူ ယောင်္ကျားလေးများဖတ်ရန်(+18)

9/25/2013 New Myanmar News No comments

မေး၊ ကျွန်နော့် အသက်က ၂၄ နစ် ရှိပါပြီ။ မိန်းကလေးနဲ့ ၂-၃ ကြိမ် ဆက်ဆံဖူးပါတယ်။ မိန်းကလေးကပြောတယ် ကျွန်နော့်ရဲ့ ကျားအင်္ဂါဟာ သူတွေ့ဖူးသမျှ လူတွေထဲမှာ အသေးဆုံးတဲ့ သေးတာက သာမန်လူတွေထက် ပိုသေးနေတာတဲ့။ မိန်းကလေး တစ်ယောက် နောက်တစ်ကြိမ် ဆက်ဆံဖို့ ဆွဲဆောင်နိုင်မှု အားနည်းမယ်တဲ့။ မိန်းမရရင်တောင် နင့်မိန်းမက အရင် တစ်ယောက်ယောက်နဲ့ ဆက်ဆံဖူးတာဖြစ်ဖြစ် အခွေကြည့်ဖူးတာဖြစ်ဖြစ် နင့်ဟာကိုသိသွားပြီး စွဲလမ်းမှုနည်းမယ်တဲ့။ ပြဿာနာ ရှိနိုင်တယ်တဲ့။ အဲ့ဒီတော့ လိင်တံကြီးမဲ့ ရှည်မဲ့ နည်းလမ်း (သို့မဟုတ်) ဆေးညွှန်းလေးတွေရှိရင် ပြောပြပေး စေချင်ပါတယ်။ အားငယ်စရာဖြစ်နေလို့ပါ။ ပုံမှန် လိင်အဂါ်မထခင်မှာဆို ပိုသိသာတယ်။ သေးပြီး တိုနေတယ်။ စိတ်ကြွ နေရင်တော့ နည်းနည်းလေး ပိုကြီးလာတယ်။ ဒါကလည်း သာမန် ယောက်ျားလေးတွေ ဟာတွေထက်တော့ သေးနေလွန်းလို့ပါ။ လက်ရှိနေတာက ပြည်ပမှာဖြစ်ပါတယ်။

ဖြေ။ • Penis enlargement ကျားအင်္ဂါ ကြီးစေခြင်း ကို ဖတ်ပြီးပြီလား။ ဖတ်ပါ၊ လုပ်လို့ရတာ လုပ်ပါ။ အတုအပတွေ၊ မသေခြာတဲ့နည်းတွေ အားမကိုးပါနဲ့၊ လက်တည့်မစမ်းပါနဲ့။
• အဲဒါထဲမှာ မပါသေးတာ ရေးပါအုံးမယ်။ ပဌမအချက် စိတ်အား မငယ်ပါနဲ့။ ကြိုးစားနေရင်း ကြီးလာမယ်လို့ စွံမြဲယုံကြည်ထားပါ။ သစ်ပင်-ပန်းပင်တွေကိုတောင် စိတ်နဲ့ ဖူးစေ-ပွင့်စေ လုပ်လို့ရတယ်။
• ဆက်ဆံရာမှာ အရွယ်အစား မကြီးသေးဘူးဆိုရင် တခြားနည်းနာနဲ့ ပိုအဆင်ပြေမှာ လုပ်ရမယ်။
• ငွေနဲ့ ဆက်ဆံရတဲ့ မိန်းမတွေဟာ တခြားမိန်းကလေးတွေနဲ့ မတူပါ။ အပျော်မိန်းမတွေကို ထားလိုက်ပါ။ တခြားမိန်းကလေးနဲ့ ဆိုင်တာဘဲ ရေးပါမယ်။
• ကိုယ့်မှာ မရွယ်အစား သေးတယ်ဘဲ ထားပါ၊ တခြားအရာမှာ သူများထက် သာအောင်လုပ်ဘို့ ကြိုးစားနိုင်ပါတယ်။ သိတဲ့အတိုင်း မျက်စိမမြင်သူဟာ နားအကြား ပိုနိုင်တယ်။
• ဘာတွေ သာစေရမလဲ။ အများကြီးပါ။ အဖေါ်မိန်းကလေးကို သာယာ-ကျေနပ်စေမှာ ရွေးတတ်ရမယ်။
• သူဘာကြိုက်သလဲ သိအောင် ကြိုးစားပါ။
• ဇနီး-ချစ်သူ မပေါ်မှာ လိင်ဆက်ဆံတာ တခုထဲကိုသာ မစဉ်းစားပါနဲ့။ ကာမဆက်ဆံတယ်ဆိုတာ ချစ်ခြင်းရဲ့ အဆုံးစွန် တနေရာကို သယ်ပို့တာ ဖြစ်တယ်။ ပိုချစ်တတ်အောင်လုပ်ဘို့ လိုပါမယ်။
• လိင်ဆက်ဆံတာကို ပြောရအောင်။ မဆက်ဆံမီ၊ ဆက်ဆံဆဲ နဲ့ အပြီး သုံးပိုင်းရှိတယ်။ သုံးပိုင်းလုံးမှာ အကောင်းဆုံး ဖြစ်ပါစေ။
• Foreplay အကောင်းဆုံးလုပ်ပါ။ သူကြိုက်မှာ ရွေးတတ်ပါစေ။ မတူကြပါ။ အချိန်ပေးပါ။
• အင်္ဂါအရွယ်အစားဟာ ဒုတိယပိုင်းမှာသာ နေရာရှိပါတယ်။
• တကယ့်အဆင့် -
o (အိုရယ်လ်) နည်းလဲသုံးပါ။ တချို့မိန်းကလေးကို ဒီနည်းတခုထဲနဲ့ (အော်ဂဇင်) ရအောင်လုပ်နိုင်တယ်။ တခါတလေဖြစ်ဖြစ် ရစေပေါ့။ (အိုရယ်လ်) ကလဲ အပြန်-အလှန်ပေါ့။
o (အေနယ်လ်) နည်းလဲ သဘောဘဲ။ သူက မကြီးရင်လဲ ဖြစ်တယ်။
o မိန်းကလေးတွေကို ထိမိစတဲ့နေရာဆိုတာ ရေးထားသလို နေရာတွေကို အသုံးပြုပါလေ။
o ကိုယ်ကပေးနိုင်တဲ့ အချိန် ပိုနိုင်အောင် ကြိုးစားပါ။ ကြာကြာ ဆက်ဆံနိုင်ပါစေ။
o (ပိုဇေရှင်) အပြောင်းအလဲ၊ အရှိန် အပြောင်းအလဲ၊ နေရာထိုင်ခင်း အပြောင်းအလဲ။
o သူလိုခြင်တဲ့ အရာရှာပါ။ ဖြည့်ဆီးပါ။
o သူ (အော်ဂဇင်) ရအောင် ကြိုးစားပါ။ စောစောပိုင် မရသေးလဲ လုံးဝ စိတ်ပျက်ပါနဲ့။
• လိုအပ်လာရင် Virgra ဆေး သုံးပါ။
• ကိုယ်က အဆင်သင့် မရှိရင် သူစိတ်မလာစေအောင် ကြံဆောင်ပါ။
• တခါပြီး နောက်တခါ ဆက်ဆံနိုင်ပါစေ။
• တချို့မိန်းမတွေ နာတာ မကြိုက်ပါ။ အရွယ်အစားကြောင့် နာစေတတ်တယ်။
• ဖူးဇာပါရင် ငယ်ရွယ်သူကို ယူပါ။
• တခါမှ မဆက်ဆံဘူးသူကို ရွေးနိုင်ရင် ရွေးပါ။
• စိတ်အား မငယ်ပါနဲ့။ ကြိုးစားနေရင်း ကြီးလာမယ်လို့ စွံမြဲယုံကြည်ထားပါ။ သစ်ပင်-ပန်းပင်တွေကိုတောင် စိတ်နဲ့ ဖူးစေ-ပွင့်စေ လုပ်လို့ ရတယ်။
• ထပ်ရေးပါရစေ။ စိတ်အား တင်းပါလေ။ ကိုယ်လိုလူတွေ တလှေကြီးပါ။ Small is beauty!

ဖခင်ကောင်းဟုတ်မဟုတ် ကပ်ပယ်အိတ်အရွယ်အစားက သက်ဆိုင်နေဟုဆို

9/25/2013 New Myanmar News No comments

ဖခင်ကောင်းပီသမှုနှင့် ကပ်ပယ်အိတ် အရွယ်အစား ဆက်စပ်နေဟုဆို

အများအားဖြင့် ကပ်ပယ်အိတ် အရွယ်အစား သေးငယ်သော ဖခင်များသည် ကလေးအနှီးလဲခြင်း၊ အစာခွံ့ခြင်း၊ ရေချိုးပေးခြင်း စသည်တို့တွင် ပိုမို၍ စိတ်ပါလက်ပါ လုပ်ဆောင်တတ်ကြောင်း အီမိုရီ တက္ကသိုလ်မှ သုတေသီများက ထောက်ခံပြောဆိုခဲ့သည်။

ဖခင်ကောင်း တစ်ဦးအနေဖြင့် တာဝန်ယူမှုသည် အမျိုးသားများ၏ ကပ်ပယ်အိတ် အရွယ်အစားနှင့် ဆက်စပ်မှု ရှိနေကြောင်း သုတေသီများက ပြောကြားလိုက်သည်။ အမေရိကန်နိုင်ငံမှ သိပ္ပံပညာရှင်များက ကပ်ပယ်အိတ် အရွယ်အစား သေးငယ်သော အမျိုးသားများသည် ဖခင်ဘဝအတွက် ပိုမိုစူးစိုက်နှစ်မြှုပ်လေ့ ရှိတတ်ကြောင်း ရှာဖွေ တွေ့ရှိခဲ့သည်။ အများအားဖြင့် ကပ်ပယ်အိတ် အရွယ်အစား သေးငယ်သော ဖခင်များသည် ကလေးအနှီးလဲခြင်း၊ အစာခွံ့ခြင်း၊ ရေချိုးပေးခြင်း စသည်တို့တွင် ပိုမို၍ စိတ်ပါလက်ပါ လုပ်ဆောင်တတ်ကြောင်း အီမိုရီ တက္ကသိုလ်မှ သုတေသီများက ထောက်ခံပြောဆိုခဲ့သည်။ အတ္တလန္တာရှိ အဆိုပါ တက္ကသိုလ်မှ ပညာရှင်များသည် အသက်(၁)နှစ်မှ (၂)နှစ်အရွယ် ကလေးငယ်များ အသီးသီး ရှိနေသည့် ဖခင် အယောက်(၇၀)ကို သုတေသနပြု လေ့လာပြီး ယခုတွေ့ရှိချက်ကို ဖော်ထုတ်နိုင်ခဲ့ခြင်း ဖြစ်သည်။

တိရစ္ဆာန်များ၏ သဘာဝနှင့် ယခုကောက်ချက်သည် ဆက်စပ်မှု ရှိနေပြီး ကပ်ပယ်အိတ် ကြီးမားသော အမျိုးသားများသည် သာမန်အားဖြင့် လိင်ပိုင်းဆိုင်ရာ အဖော်အဖက် ကိစ္စတွင် ပိုမိုအားသန်ပြီး ကပ်ပယ်အိတ် သေးငယ်သူ အမျိုးသားများက ကလေးများအတွက် ပိုမို နှစ်မြှုပ် အာရုံစိုက်လေ့ရှိကြောင်း သိရသည်။ အီမိုရီ တက္ကသိုလ်မှ ပညာရှင်များသည် အမျိုးသား (၇၀)တို့၏ ဦးနှောက်လှိုင်းများကို Scanဖတ်ထားပြီးနောက် ၎င်းတို့၏ ကလေးငယ်များ ဓာတ်ပုံကို ပြသခြင်းဖြင့် တုံ့ပြန် လှုပ်ရှားမှု အပြောင်းအလဲကို လေ့လာခဲ့ကြသည်။ ထိုအခါ ကပ်ပယ်အိတ် အရွယ်အစား သေးငယ်သော ဖခင်များ၏ ဦးနှောက်က သိသိသာသာ ပိုမိုတုံ့ပြန်နိုးကြားကြသည်ကို ဖော်ထုတ်နိုင်ခဲ့သည်။

သုတေသီများက အချို့သော ကပ်ပယ်အိတ် သေးငယ်သော အမျိုးသားများသည် အပိုဆောင်း ဆုလာဘ်အဖြစ် ဦးနှောက်၏ ကြင်နာသနားမှုကို ဖွင့်ဆိုသော ဧရိယာတွင် ပိုမို၍ ကြီးမားသော သက်ရောက်မှုမျိုး ဖြစ်ပေါ်တတ်ကြောင်း ရှင်းပြခဲ့သည်။ ပညာရှင်များသည် ဦးနှောက် တုံ့ပြန်မှု ရလဒ်များကို မှတ်သားပြီးနောက် အဆိုပါ အမျိုးသားများ၏ ဇနီးသည်များကိုပါ တွေ့ဆုံမေးမြန်းကာ ကလေးများအပေါ် မည်သည့် အတိုင်းအတာထိ အာရုံစိုက်ကြောင်း ခြေရာခံခဲ့သည်။ ထို့နောက်တွင်မူ တွေ့ရှိချက် အရပ်ရပ်ကို စုပေါင်းကာ ယေဘုယျအားဖြင့် ကပ်ပယ်အိတ် သေးငယ်သော အမျိုးသားများက ဖခင်ပိုမို ပီသတတ်ကြောင်း အဖြေထုတ်ခဲ့ခြင်း ဖြစ်သည်။

ဦးဆောင် သုတေသီ တစ်ဦးဖြစ်သူ ဒေါက်တာ ဂျိမ်းစ်ရီလင်က "တစ်ခါတစ်လေ တချို့အမျိုးသားတွေဟာ သာမန်ထက်ကို သားသမီးတွေအပေါ် ဂရုစိုက် ကြင်နာနေတတ်တာ ရှိပါတယ်။ ဒီအခြေအနေမှာ သူနဲ့ယှဉ်ပြီး တခြားအမျိုးသားတွေကို အပြစ်တင်ဖို့ မဖြစ်နိုင်ပါဘူး။ ဦးနှောက် တုံ့ပြန်မှုအရကိုက သာမန်အမျိုးသားတွေထက် ဖခင်ပီသမှု ပိုသိသာထင်ရှားတဲ့ အမျိုးသားတွေ ရှိနေတာကို ကျွန်တော်တို့ လက်ခံဖို့ လိုပါတယ်"ဟု ပြောကြားခဲ့သည်။ ၎င်းက "ကပ်ပယ်အိတ် သေးငယ်တဲ့အခါ အဖိုဟော်မုန်း ပိုနည်းသွားတတ်ပြီး ဒီအခြေအနေက ဖခင်ပီသမှုကို ပိုတွန်းအားပေး ဖြည့်ဆည်းပေးတယ်လို့ ဆိုရမှာပါ"ဟုလည်း ရှင်းပြခဲ့သည်။

အီမိုရီ တက္ကသိုလ်မှ သုတေသီများ တွေ့ရှိခဲ့သည့် ဖခင်ပီသမှု၊ မပီသမှု သတ်မှတ်ချက် အရေးပါသော အခြားညွှန်ကိန်း တစ်ရပ်မှာ အစဉ်အလာ အသိုက်အဝန်း ယဉ်ကျေးမှု ဖြစ်နိုင်ကြောင်းလည်း သိရသည်။ အချို့သော လူ့အဖွဲ့အစည်းများတွင် ဖခင်ပီသသော စိတ်အခံ ရှိသည့်တိုင် ယင်းကို ထုတ်မပြရန် ကြီးမားသော ကန့်သတ်ချက်များ ထားရှိခြင်းမျိုး တွေ့ရတတ်ကြောင်း ဒေါက်တာ ရီလင်က မှတ်ချက်ပြုသွားခဲ့သည်။

အမျိုးသမီးများလိင်စိတ်ပြင်းထန်စွာနိုးကြွလာစေတဲ့ Sex coffee နဲ့ Lady coffe

9/06/2013 New Myanmar News No comments

Sex Coffee (XS-X0020-D) ဒါကိုတော့ ကြောညာသူတွေက Superior Brazilian coffee ဘရာဇီးကော်ဖီ အပြင်းစားလို့ နာမည်ပေးထားပါတယ်။ Fast thawing tea powder အပြော့စားလက်ဖက်ရည်လို့လဲ စာထဲမှာ ရေးထားပါတယ်။

အထဲမှာပါတာတွေကတော့ (၁) သကြားအဖြူမှုံ နဲ့ (၂) အမျိုးသမီးများစိတ်ကို တွန်းအားပြောင်းစေနိုင်တဲ့ ဓါတ်လည်း ပါတယ်လို့ ဆိုပါတယ်။

ဒါကိုသောက်လိုက်တဲ့ မိန်းကလေး၊ အမျိုးသမီးဟာ ဖြေးဖြေးချင်း ဒါတွေဖြစ်လာမယ်။

• Polypnoea အသက်ရှူမြန်လာမယ်၊

• Vagina itches မိန်မကိုယ်ယားယံလာမယ်၊

• Breast inflates ရင်သားထွားလာမယ်၊

• Cloudy water jet stream အင်္ဂါစိုစွပ်လာမယ်၊

• Sexual intercourse anxiously with the opposite sex ဆန့်ကျင်ဘက် လိင်ရှိသူနဲ့ အတူနေချင် စိတ်တွေ ပြင်းပြလာမယ်။

• Spends together with own sexual partner သူ့အဖေါ်နဲ့ အတူတူ အကြာကြီး ချစ်စခန်းဖွင့် နေလိမ့်မယ်။

သတိပေးချက်လည်းရေးထားပါတယ်။

၁။ ဒါဟာ အကြင်လင်မယားတွေသာ သုံးရမှာဖြစ်တယ်။ ဒီလိုသာမသုံးရင် ဥပဒေနဲ့ မညီတာတွေဖြစ် လာစေနိုင် တယ်။

၂။ အမျိုးသမီး (ကြီး) တွေမှာ ဗဂျိုင်းနား ခြောက်နေတာနဲ့ လိင်စိတ် ရှိသင့်တာထက် နည်းနေတာဆိုရင် သုံးနိုင်တယ်။ ဥပမာ သွေးဆုံးချိန်၊ ကလေးမီဖွါးပြီး စိတ်အခြေနေပြောင်းချိန်မျိုးဖြစ်တယ်။

ဘယ်လောက်သောက်ရမလဲ။ တထုပ်ကို ရေနွေးပူပူ ၁ဝဝ စီစီ (မယ်လ်) မှာဖျော်ပါ။ တထုပ်ထက်ပို မသုံးပါနဲ့။ ကပ်ဘူးတခုမှာ 15000mg စီပါတဲ့ 5 ထုပ် 8 ခုပါတယ်။ ထုပ်လုပ်ပြီးနောက် ၃ နှစ်အတွင်း သုံးနိုင်တယ်။

Lady Coffee လေဒီကော်ဖီ

အရသာထူးကဲပြီး အကြာကြီးစွဲစေတယ်။ စိတ်ဖြေနားနေနိုင်တယ်လို့ ရေးထားပါတယ်။ အမေရိကား ကလာတဲ့ ကော်ဖီထဲမှာ တရုပ်ကလာတဲ့ ရိုးရာဆေးရောထားပါသတဲ့။ ဗီတာမင်တွေ၊ ဓါတ်ဆားတွေ၊ အာဟာရဓါတ်တွေပါတယ်လို့ ကြော်ညာပါတယ်။ မ-ဟော်မုန်း (အီစထိုဂျင်) ပါတယ်လို့လဲဖတ်ရပါတယ်။ ဒီဟော်မုန်းဟာ အမျိုးသမီးတွေမှာ အရွယ်ရလာရင် နည်းလာတယ်။ သွေးဆုံးရင် သိသိသာတယ်။ အကောင်း လဲဖြစ်စေပြီး အဆိုးလည်း ဖြစ်စေနိုင်တာ သတိပြုပါ။

သက်ရောက်မှု

1. Lead to enhance sexual desire လိင်စိတ်ပိုစေမည်၊

2. Increse the pleasure and excitement သာယာမှု၊ စိတ်တက်ကြွမှုကဲစေမည်၊

3. The ability to extend the high tide အထွတ်အထိပ်ကာလ ကြာစေမည်၊

4. To increase capacity စွမ်းဆောင်န်ိုစွမ်းတိုးစေမည်။

တထုပ်ကို ရေနွေးနဲ့သောက်ရင် နောက် ၁၅-၃ဝ မိန်မှာ အစွမ်းပြမယ်။

ဘေးထွက်-ဆိုးကျိုး = ခေါင်းမူးဝေမယ်၊ အိပ်ချင်မယ်။ ဖြေးဖြေးချင်းသောက်တာ ကောင်းတယ်။ ကားမောင် နေတုံး မသောက်ပါနဲ့။ ကိုယ်ဝန်ဆောင်နေရင် မသောက်ပါနဲ့။ အသက်ရှူလမ်းရောဂါ၊ နှလုံးရောဂါရှိရင် မသောက်ပါနဲ့။

အခုရေးတာတွေဟာ ဆေးကြော်ညာထဲမှာ ပါတာတွေသာ ဖြစ်ပါတယ်။ (ကျွန်တော်တို့လို) ဆရာဝန်တွေက အာမမခံပါခင်ဗျား။ ဒီလိုမျိုး ဆေးဆိုတာတွေရှိပါသေးတယ်။ ထပ်ရေးနေရင် ကြောညာထင်နေမှာမို့ မရေး တော့။ မိန်းကလေးများအားလုံး အညာ၊ အညစ် မခံကြရအောင် စားသောက်စရာမှန်သမျှ ပူတာ၊ အေးတာ ဘာမှစိတ်မချရတာကို သိကြပါ။

• SPANISCHE FLIEGE D6, SPANISC FLIEGE D9

• Insect Powder

• Flower yilly medicine for woman

• Ant King - sex medicine for woman

• Gold flysex medicine for woman စတာတွေက ဆေးမှုံ့၊ ဆေးတောင့်၊ ဆေးအဆီတွေဆိုပြီး လာတယ်။ အရောင်မပါ၊ အနံ့အထွက်ဘူး။ တချို့က အရေပြားကို သုတ်လိမ်းပေးတာနဲ့ ကိုယ်ထဲဝင် စေတယ်။ ဒီလိုဆေးအားလုံးဟာ မတော်မတရားပြုဘို့အတွက်သာ သုံးကြတယ်။ ဒါကြောင့် အေးအေးပူပူ သူများကတိုက်တဲ့ အစား၊ အသောက်တွေကို လက်မခံသင့်ဘူး။၊ လူချင်းထိပြီး ပွတ်သပ်ပေးတာကအစ ရှောင်ရှားနိုင်ဘို့ လိုပါလိမ့်မယ်။ သင်္ကြန်ကာလတခုတည်းလည်း မဟုတ်ပါ။ အန္တရာယ်ဆိုတာ ကာလမရွေး၊ နေရာမရွေးပါခင်ဗျား။

မိန်းမ အင်္ဂါဇာတ်အကြောင်း သင်မသိသေးတဲ့ အချက် ၅

မိန်းမ အင်္ဂါဇာတ်အကြောင်း သင်မသိသေးတဲ့ အချက် ၅ ချက်(ကျန်းမာရေးအမြင်နဲ့ဖတ်ပါ +18)

9/02/2013 New Myanmar News No comments

(၁) မိန်းမကိုယ်မှာ ကိုယ်ပိုင် ဂေဟစနစ်ရှိပြီး ပြင်ပနဲ့ လိုက်လျောညီထွေရှိတဲ့ pH လည်း ရှိပါတယ်။ ကျန်းမာတဲ့ pH ကအက်စစ်အနေအထားမို်း ဖြစ်ပြီး ပုံမှန်အားဖြင့် ၃ ဒသမ ၅နဲ့ ၄ ဒသမ ၅ကြားမှာ ရှိပါတယ်။ မိန်းမကိုယ်ရဲ့ pH ကအပြောင်းအလဲဖြစ်သွားရင် ဆိုးကို်းတွေဖြစ်ပေါ်လာနိုင်ပါတယ်။ ဥပမာပြောရရင်သွေး၊ သုက်၊ ချောဆီအများစု၊ မိန်းမကိုယ်တွင်းထည့်တဲ့ ဖျန်းဆေး၊ ဘက်တီးရီးယားမှိုစွဲတာနဲ့ သုက်ပိုးသေဆေးတွေကိုသုံးရင် မိန်းမကိုယ်ရဲ့ pH ကို အက်စစ်မျှခြေကနေ လျော့သွားစေပါတယ်။ ဒီလိုဖြစ်သွားရင် မိန်းမကိုယ် ယားယံတာ၊ပူစပ်ပူလောင်ဖြစ်တာနဲ့ ပုံမှန်မဟုတ်တဲ့အရည်တွေ ဆင်းတာတို့ ဖြစ်တတ်ပါတယ်။ မှို Yeast နဲ့ ကန်ဒီဒါ မှိုပိုးတွေဟာ မိန်းမကိုယ် pH ကို အက်စစ်ပမာဏပိုဖြစ်စေပါတယ်။

(၂ ) မိန်းမကိုယ်ရဲ့ ဂေဟစနစ်ဟာ အူတွေလိုပဲ ကောင်းတဲ့ ဘက်တီးရီးယားတွေအပေါ်မှာ အကြီးအကျယ် မူတည်နေပါတယ်။ကောင်းတဲ့ ဘက်တီးရီးယား လက်တိုဘက်ဆဲလ်လပ်စ်ဟာ မိန်းမကိုယ်မှာ ပိုးဝင်မှု မဖြစ်စေဖို့ ကာကွယ်ပေးနိုင်တဲ့အရာပါ။ ဒါကြောင့် လက်တိုဘက်ဆဲလပ်စ်ပါတဲ့ ဒိန်ချဉ်ကို စားတာ၊ ဖြည့်စွက်ဆေးမှီဝဲတာတို့ကို ပြုလုပ်ပေးပါ။တကယ်လို့ ပဋိဇီဝပိုးသတ်ဆေးကိုသတ်မှတ်ကာလပြည့်မီအောင် သောက်သုံးနေရသူဖြစ်ရင် အူလမ်းကြောင်းနဲ့ မိန်းမကိုယ်ရှိ ကောင်းတဲ့ ဘက်တီးရီးယားအပါအဝင် ဘက်တီးရီးယားအားလုံးကို သေစေနိုင်တာကြောင့် ကူးစက်ပိုးဝင်မှုဖြစ်လွယ်ပါတယ်။ ဒီအချိန်မှာ ဒိန်ချဉ်လိုအကို်းပြုဘက်တီးရီးယားပါတဲ့ အစာကိုစားသောက်ပေးပါ။

(၃)မိန်းမကိုယ်က အလွန်သန်မာတဲ့ကြွက်သားတွေနဲ့ဖွဲ့စည်းထားတာ ဖြစ်ပါတယ်။ ဒါကြောင့် ကလေးတစ်ဦးကို မွေးနိုင်စွမ်း ရှိတာပါ။ ကလေးမွေးတာ၊ ဟော်မုန်းကျဆင်းတာ၊ အသက်ကြီးတာနဲ့ တခို့်သော ကျန်းမာရေးအခြေအနေတွေကြောင့်မိန်းမကိုယ်ကြွက်သားကို လျော့ရဲစေနိုင်ပါတယ်။ Kegel လေ့ကျင့်ခန်း၊ကြွက်သားသန်စွမ်းစေတဲ့ လေ့ကျင့်ခန်းနဲ့ တင်ပဆုံကြွက်သားသန်စွမ်းစေတဲ့ လေ့ကျင့်ခန်းတွေ အားလုံးဟာ မိန်းမကိုယ် ကြွက်သားတွေကို သန်စွမ်းစေတဲ့အတွက် အိမ်ထောင်ရေးကို အဆင်ပြေစေသလို ဆီးမထိန်းနိုင်တဲ့ ဝေဒနာကိုလည်း အဖြစ်နည်းစေပါတယ်။

(၄)မိန်းမကိုယ် ကူးစက်ပိုးဝင်ချိန်မှာ ပုံမှန်မဟုတ်တဲ့ အချွဲတွေဖြစ်ပေါ်လာပြီး ပုံမှန်အချွဲတွေနဲ့ ရောထွေးသွားနိုင်ပါတယ်။ မမို်းဥကြွေခါနီးအချိန်မှာ မိန်းမကိုယ်အချွဲတွေ ထူလာပါတယ်။ တစ်ခါတစ်ရံ ပိုးဝင်တဲ့အခါ ပုံမှန်မဟုတ်တဲ့ အချွဲမြှေးတွေ ဖြစ်လာတတ်တာကြောင့် အဲဒီအခါမှာ ဆရာဝန်နဲ့ ပြသသင့်ပါတယ်။

(၅) ပင်ကိုမိန်းမကိုယ်အနေအထားကပုံမှန်ပါပဲ။ ဆိုလိုတာက မိန်းမကိုယ်ဆိုတာ ပုံစံအမို်းမို်း၊ အရွယ်အစားအမို်းမို်းရှိတတ်တဲ့အတွက် ပုံမှန်မဟုတ်ဘူး၊ ခွဲစိတ်ပြုပြင်ဖို့ လိုအပ်တယ်ဆိုပြီး အမို်းသမီးတခို့်က စိတ်ပူနေတတ်ပါတယ်။တကယ်တော့ မိန်းမအင်္ဂါဇာတ်နှုတ်ခမ်းက ရှည်လွန်းတာ၊ တိုလွန်းတာ၊ ပုံသဏ္ဌာန်မမှန်တာတွေ ဖြစ်နေတယ်လို့ မရှိပါဘူး။ပုံမှန်ပဲ ဖြစ်တာကြောင့် စိတ်ပူစရာ မလိုပါဘူး။

ရင်သားကြီးခြင်း၏ နောက်ကွယ်(မိန်းကလေးများအထူးဖတ်ရန်)

9/25/2013 New Myanmar News No comments

အလှကုန်ပစ္စည်းမျိုးစုံ ရောင်းချသော ဆိုင်တစ်ဆိုင် အတွင်းသို့ အမျိုးသမီးငယ် တစ်ဦး လှမ်းဝင် သွားနေသည်။ ထို့နောက် ဆိုင်အတွင်း ရောင်းချသော အလှကုန် ပစ္စည်းများကို ကြည့်ရှုပြီး တစ်နေရာ အရောက် သူလိုချင်သော အရာကို တွေ့ရှိရ၍ ဝယ်ယူလိုက်သည်။
အဆိုပါ အမျိုးသမီးငယ် ဝယ်ယူသွားသော အလှကုန်ပစ္စည်း အမျိုးအစားမှာ အိမ်နီးချင်းနိုင်ငံ များမှ ဝင်ရောက်လျက် ရှိသည့် အမျိုးသမီးများ အတွက် ရင်သားကြီးထွားစေသော ရင်သားလူးဆေး ပင်ဖြစ်သည်။

အလှအပကို စိတ်ဝင်စားကြသည့် အမျိုးသမီး များသည် မျက်နှာလှပရန်၊ အသားအရည်ကောင်း ရန် စသည်ဖြင့် အလှအပအတွက် လိုအပ်သော အလှပြင်ပစ္စည်းများဖြင့် လှပရန် လိမ်းခြယ်ကြ၊ ခွဲစိတ် ပြုပြင်ကြသည့် နည်းတူ သဘာဝ အလျောက် ဖြစ်ပေါ်နေသော ရင်သားနှင့် ပတ်သက်၍ ရင်သား လှပရန် နိုင်ငံစုံမှ ထုတ်လုပ်ထားသော လိမ်းဆေး များလူးခြင်း၊ ရင်သားခွဲစိတ် ပြုပြင်ခြင်းများကို အချို့သော အမျိုးသမီးများ ပြုလုပ်ကြသည်ကို တွေ့မြင်လာရသည်။

"အစ်မတို့ဆိုင်ကို လာဝယ်ကြတဲ့ သူတွေထဲ အပျိုတွေဆို ရင်သားကြီး ဆေးဝယ်ပြီး အိမ်ထောင်ကျပြီးတဲ့ သူတွေကတော့ ရင်သားပင့်တင်တဲ့ဆေး သုံးတာ များတယ်" ဟု ကြည့်မြင်တိုင် ညဈေးတွင် အလှကုန်ပစ္စည်းဆိုင် ဖွင့်လှစ်ထားသူ အသက် ၃၀ ကျော်အရွယ် အမျိုးသမီး တစ်ဦးက ဆိုသည်။

မြန်မာနိုင်ငံသို့ ထိုင်း၊ တရုတ်၊ အိန္ဒိယတို့မှ ရင်သားလှပစေသော ပစ္စည်းများ အများဆုံးဝင် ရောက်နေသည်ကို တွေ့ရပြီး ဈေးနှုန်းများမှာ ထုတ်လုပ်သည့် နိုင်ငံပေါ် မူတည်၍ ကွဲပြားမှု ရှိသည် ကို တွေ့ရသည်။
ရင်သားလှပအောင် သုံးစွဲသော ဆေးများမှာ လိမ်းဆေးများ အပြင် ဆပ်ပြာ၊ ဖျန်းဆေး စသည်များလည်း ရှိပြီး ဈေးနှုန်းများမှာ အနိမ့်ဆုံးကျပ် ၁၀၀၀ ဝန်းကျင်မှ သောင်းကျော်အထိ ရှိသည်ကို တွေ့မြင် ရသည်။

"ဆိုင်မှာတော့ ထိုင်းက ပစ္စည်းတွေပဲ တင်တယ်။ တခြားတရုတ်တို့ ဘာတို့လည်း အများကြီး ရှိသေးတယ်။ ဈေးနှုန်းတွေကတော့ ထိုင်းက ၄၀၀၀၊ ၄၅၀၀ ဝန်းကျင်လောက်၊ တရုတ်ပစ္စည်း ကျတော့ ၂၀၀၀ ကျော်လောက်ပဲ ရှိတယ်" ဟု အလှကုန်ဆိုင် ဖွင့်လှစ်ထားသူ တစ်ဦးက ဆိုသည်။

ထိုကဲ့သို့ ရင်သားလူးဆေးများကို ဝယ်ယူ အသုံးပြုကြသူ အမျိုးသမီး အများစုမှာ ဆယ်ကျော်သက် အရွယ်မှ စ၍ အသက် ၃၀ ဝန်းကျင် အမျိုးသမီးများ ဝယ်ယူကြကြောင်း အလှကုန်ဆိုင် ဖွင့်လှစ်ထားသူ အများစုက ပြောဆိုသည်။

"အစ်မ ရင်သားလူးဆေးတွေ လူးခဲ့ဖူးတယ်။ အစ်မသူငယ်ချင်း တစ်ယောက် လက်ဆောင်ပေး လို့ပါ။ ဆေးအညွှန်းမှာ ပါတဲ့အတိုင်း လူးဖြစ်တယ်။ စလူးပြီးတစ်လလောက်မှာ တော်တော် သိသိသာသာ တင်းလာတယ်။ အစ်မလူးတာ ကတော့ side effect မရှိပါဘူး။ တစ်ဘူးပဲ လူးဖြစ်တာပါ။ ဆက်မလူး ဖြစ်တော့ အရင်အတိုင်း ပြန်ဖြစ်တာပါပဲ။ ဒီဆေး တွေက လူးမယ်ဆိုရင် ဆက်ပြီး လူးနေမှ အဆင်ပြေ မယ်ထင်တယ်" ဟု ရင်သားလူးဆေး သုံးစွဲခဲ့သူ အသက် ၃၀ ကျော်အရွယ် မနေရီ (အမည်လွှဲ) က ဆိုသည်။

အဆိုပါ လူးဆေးများကို ဆယ်ကျော်သက် အရွယ် အမျိုးသမီးငယ် အချို့ သုံးစွဲကြခြင်းမှာ အများစုသည် ကိုယ်ခန္ဓာဟော်မုန်းများ သေချာ မဖွံ့ဖြိုးသေးချိန်တွင် ၎င်းတို့၏ ရင်သား သေးငယ်နေသည်ဟု ထင်ကာ သုံးစွဲကြခြင်းဖြစ်သည်။

ထိုကဲ့သို့ ရင်းသား လှပရန် လူးဆေးများ၊ ဆီလီကွန် ထည့်သွင်း၍ ခွဲစိတ်ခြင်းများ ပြုလုပ်ကြ ခြင်းမှာ ရှိရင်းစွဲထက် ပိုမို၍ လှပလိုခြင်းနှင့် အခြား သော အကြောင်းအရင်းများစွာ ရှိသည်ကို တွေ့မြင် ရသည်။
ယင်းအပြင် အချို့သုံးစွဲသူများမှာ ၎င်းတို့ လုပ်ကိုင်လျက် ရှိသော အလုပ်အကိုင် အပေါ် မူတည် ၍ လိုအပ်ချက်အရ သုံးစွဲရခြင်းလည်းရှိသည်။

"လာဝယ်တဲ့သူတွေ ထဲမှာ တချို့ကတော့ တကယ်ကို အမျိုးသမီးတစ်ယောက် ရှိသင့်တဲ့ ရင်သား မရှိလို့ သုံးတဲ့သူတွေ ရှိသလို တချို့ကျတော့လည်း သူတို့ရဲ့ အလုပ်လိုအပ်ချက်ကြောင့် သုံးကြတဲ့သူတွေ ရှိတယ်။ လာဝယ်တဲ့ ကောင်မလေးတွေထဲမှာ KTV တို့၊ Sex Worker လုပ်တဲ့ ကောင်မလေးတွေလည်း ပါတယ်။ သူတို့ကျတော့ အလုပ်ကြောင့် ဝယ်သုံးကြ တာပေါ့"ဟု အလှကုန်ဆိုင် ဖွင့်လှစ်ထားသူ တစ်ဦး ကဆိုသည်။
အဆိုပါ လူးဆေးများကို မြန်မာနိုင်ငံ၌ အမျိုးသမီးများ စတင် အသုံးပြုခဲ့ကြသည်မှာ ၁၀ စုနှစ်ကျော် ကြာမြင့်ခဲ့ပြီဟုလည်း သုံးစွဲသူများနှင့် ဈေးကွက် အတွင်းမှ စုံစမ်း သိရှိရသည်။

" လူးဆေးတွေကတော့ အန်တီတို့ငယ်ငယ် ၉၄ ခုနှစ်လောက်ကတည်းက ရှိတာပဲ။ အန်တီ့ အသိ တစ်ယောက် နိုင်ငံခြားသွားတုန်း က ဝယ်ခဲ့ပြီး လူးတာ သိရတယ်။ သူလူးတုန်းကတော့ ဆေးတွေ က ထိရောက်တယ်၊ Side Effect မရှိဘူးလို့တော့ ပြောတာပဲ။ နှစ်တွေကြာလာ မှ ဘေးထွက်ဆိုးကျိုး ပေါ်တာကတော့ ဖြစ်နိုင်ပါတယ်" ဟု အသက် ၄၇ နှစ်အရွယ် ဒေါ်ခင်လေးတင့်က ဆိုသည်။

ယနေ့ခေတ်တွင် ရင်သားကြီးထွား တင်းရင်းရန် လူးသော ဆေးများ အပြင် ရင်သားအတွင်း ဆီလီကွန် ထည့်သွင်း၍ ခွဲစိတ်ပြုပြင်ခြင်းများ ပိုမို လုပ်ဆောင်လာကြသည်ကိုလည်း တွေ့မြင်ရသည်။

အဆိုပါ ရင်သား ခွဲစိပ်ပြုပြင်မှုကို မြန်မာ နိုင်ငံတွင် တရားဝင် ခွင့်ပြုထားခြင်း မရှိသော်လည်း ယာယီလိုင်စင်များ ထုတ်ပေးနေပြီး ယခုအခါ ပုဂ္ဂလိက ဆေးရုံ၊ ဆေးခန်းများတွင် ခွဲစိတ်ပြုပြင် မှုများ ပြုလုပ်ပေးလျက် ရှိသည်။

ရင်သားတွင်းသို့ ဆီလီကွန်များ ထည့်သွင်း၍ ရင်သား အလှပြုပြင်ရာတွင် အနိမ့်ဆုံး ကုန်ကျစရိတ် သိန်း ၄၀ ကျော် ကုန်ကျသည့် အတွက် မြန်မာနိုင်ငံ ၏ လက်ရှိဝင်ငွေ အနေအထားအရ သာမန်လူလတ် တန်းစား အမျိုးသမီးများ လုပ်ဆောင်ကြရန် မလွယ် ကူဘဲ ငွေကြေး တတ်နိုင်သူများသာ ပိုမို လုပ်ဆောင် ကြသည်။

ကမ္ဘာတစ်ဝန်းတွင် အမျိုးသမီးထု၏ ၂၀ ရာခိုင်နှုန်းသည် ရင်သားအလှကို ပြုပြင်လိုကြပြီး အနောက်နိုင်ငံများတွင် ပိုမို၍ ပြုပြင် ခွဲစိတ်လိုကြ ကာ အမေရိကန်ပြည်ထောင်စုတွင် အမျိုးသမီးထု ၏ ထက်ဝက်ခန့်သည် ရင်သားပြုပြင်လိုကြသည် ဟု စစ်တမ်းများအရ သိရသည်။

ရင်သားအတွင်း ဆီလီကွန် ထည့်သွင်းခြင်း သည် ပိုမိုမြန်ဆန်သော သက်ရောက်မှု ရှိသော်လည်း ကျန်းမာရေးအတွက် ဘေးထွက် ဆိုးကျိုးများ ရှိသည် ကို "ရင်သားခွဲစိတ်ပြီဆိုကတည်းက ပထမဆုံး ခွဲရတဲ့ Side Effect ကြုံရတာပါပဲ။ ပြီးရင် တခြား ဘာတွေဖြစ်နိုင်သလဲဆိုရင် ဆီလီကွန် အမျိုးအစား ပေါ်မူတည်ပါတယ်။ ကိုယ် ထည့်တဲ့ ဆီလီကွန် မကောင်းရင် Pressure နိမ့်တဲ့ နေရာတွေ သွားလို့ မရဘူး။ ဖြစ်ခဲ ပေမယ့် လေယာဉ်တွေ ပေ ၂၀ç၀၀၀ ကျော်လောက် ရောက်ရင် မတော်တဆ ပေါက်ထွက် သွားနိုင်တယ်။ ပြီးတော့ Computer,TV တွေ အကြည့်များရင် လည်း Megnetic Wave ထွက်တဲ့အတွက် ခွဲစိတ် ထားတာ ကျုံ့သွားနိုင်တယ်။ ဒါပေမဲ့ ခုတော့ LED တွေ သုံးလာကြပြီဆိုတော့ သိပ်တော့မဆိုး တော့ဘူး။
အဲတော့ ဆီလီကွန် ထည့်တယ်ဆိုတာ လည်း နှစ်အပိုင်းအခြား ရှိပါတယ်" ဟု ဒေါက်တာ သီဟသစ်ကဆိုသည်။

ရင်သား အလှအပအတွက် လိမ်းဆေးများစွာ ထဲတွင် နိုင်ငံစုံမှ ထုတ်လုပ်သော လူးဆေးများ အပြင် ဘေးထွက်ဆိုးကျိုး မရှိဟု ဆိုကာ ဆေးကုမ္ပဏီ များက ထုတ်လုပ်ထားသော လူးဆေးများလည်း ဈေးကွက်အတွင်း ရောင်းချလျက် ရှိသည်။

အမျိုးသမီးများသည် ရင်သား တင်းရင်း လှပအောင် ပြုပြင်ကြ ရာတွင် ဘေးထွက်ဆိုးကျိုး များစွာ ရှိနိုင်ကြောင်း၊ လိမ်းဆေးလူးဆေးများကို သုံးစွဲရာတွင် အဆိုပါဆေးများသည် မည်မျှပင် သဘာဝကို အခြေခံထုတ်လုပ်သည်ဆိုသော်လည်း ဆေးနှင့်ပတ်သက်သည့် အာမခံချက်မရှိကြောင်း ဒေါက်တာသီဟသစ်က ဆိုသည်။

"ရင်သားလူးဆေးတွေ လူးတယ်ဆိုတာ အမျိုးမျိုးရှိပါတယ်။ အစ်မလူးဖြစ်တာကတော့ ကလေးမွေးပြီးတော့ ပုံပျက်သွားလို့ လူးဖြစ်တာ။ ဒါပေမဲ့ ခဏပဲ လူးဖြစ်တယ်။ နောက်ပိုင်းဘယ်လို ဘေးထွက်ဆိုးကျိုးတွေ ရှိမယ် မသိလို့။ ဆေးတွေ က ထိရောက်မှု ရှိလား ဆိုတော့ ပြောတော့ သိပ် မပြောတတ်ဘူး ခဏပဲ လူးဖြစ်တာဆိုတော့" ဟု ရင်သားလူးဆေးများ လူးဖြစ်ခဲ့သူ မိခင်တစ်ဦး ဖြစ်သူ မသန္တာ (အမည်လွှဲ) ကဆိုသည်။
ထို့ပြင် ရင်သားတင်းရင်း လှပစေရန် အာမခံ ဖြင့် လိမ်းဆေးများ၊ စက်များကို အသုံးပြု၍ ပြုပြင် ပေးနေသော အလှပြင်ဆိုင်များလည်း ရှိသည်။

အဆိုပါ လိမ်းဆေးများ၊ စက်များကို အသုံး ပြု၍ ရင်သားတင်းရင်းအောင် ပြုလုပ်ခြင်းသည် အချိန်အားဖြင့် နှစ်ပတ်ခန့်သာ ကြာမြင့်ပြီး ကျပ် သုံးသိန်း ဝန်းကျင်ခန့် ကုန်ကျကြောင်း ဆိုင်ဖွင့်လှစ် ထားသူ တစ်ဦးက ဆိုသည်။

"အစ်မတို့ ဆိုင်မှာက ရင်သားကို တင်းရင်း အောင်လုပ်ပေးတာပါ။ ရင်သားကြီးအောင်လုပ်တာ မဟုတ်ဘဲ ရင်သားသေးချင်တဲ့ အမျိုးသမီးတွေကို လုပ်ပေးတာပါ။ USA ဆေးကိုသုံးပြီးလုပ်ပေး တာပါ" ဟု ၎င်းက ထပ်မံပြောဆိုသည်။

"လေ့လာ မိသလောက် ရင်သားလူးဆေး တွေက ရင်သားမှာရှိတဲ့ အဆီ တစ်သျှူးတွေကို လှုံ့ဆော်တဲ့ သေ****။ အဲဒီတော့ အဆီတွေ ကို လှုံ့ဆော်တဲ့ အတွက် ပုံမှန် မဟုတ်တဲ့ အကျိတ်တွေ ဖြစ်နိုင် တယ်။ ပြီးတော့ ဒီဆေးတွေက ဘယ်သူမှ ဓာတုပစ္စည်းတွေ မပါ ဘူးလို့ အာမမခံနိုင်ဘူး။ ဒီဆေး တွေသုံးလို့ ဘာမှမဖြစ်နိုင်ဘူးလို့ သုံးဖူးတဲ့သူက ပြောလို့ ကိုယ်ကသုံးတဲ့အခါ တစ်ရာမှာ ၉၉ ယောက်က ဘာမှမဖြစ်ဘဲ ကိုယ့်ကျမှဖြစ်တာမျိုး ရှိနိုင်တယ်" ဟု ဒေါက်တာသီဟသစ်က ထပ်မံ ပြောဆိုသည်။

အမျိုးသမီးများသည် ရင်သားလူးဆေးများ သုံးခြင်း၊ ခွဲစိတ်ပြုပြင်ခြင်းများထက် လေ့ကျင့်ခန်း လုပ်၍ ရင်သားဖွံ့ဖြိုးအောင် လုပ်ဆောင် နိုင်ကြောင်း၊ လေ့ကျင့်ခန်းလုပ်ရန် အချိန်မရပါက မိမိတို့၏နေထိုင် စားသောက်ပုံကိုပြောင်း၍ ပြုပြင်နိုင်ကြောင်း ၎င်းက ထပ်မံ အကြံပြုပြောဆိုသည်။

ထို့ပြင် ရင်သားပြုပြင်ထားသူများ သာမက သဘာဝအတိုင်း ထားရှိသူများပါ အခါအားလျော် စွာ မိမိတို့၏ရင်သားကို အကျိတ်ရှိ မရှိ စမ်းသပ် ကြည့်ရှုစေလိုကြောင်း၊ သို့မှသာ ရောဂါတစ်ခုခု ဖြစ်ပေါ်လာပါက အချိန်မီ စမ်းသပ် ကုသနိုင်မည် ဖြစ်ကြောင်း ဒေါက်တာ သီဟသစ်က ရှင်းပြသည်။

အလှအပကို လူသားတိုင်း မြတ်နိုးတတ်သော် လည်း သာမန်ထက်ပို၍ လှလိုခြင်း၊ သဘာဝတရား ကို ကျော်လွန်၍ ပြုပြင်ခြင်းများ သည် ရေရှည်တွင် ဘေးထွက်ဆိုးကျိုး အချို့ ဖြစ်ပေါ်နိုင်သောကြောင့် သတိနှင့်ယှဉ်၍ ပြုမူ လုပ်ဆောင်ခြင်းသည်သာ အကောင်းဆုံး နည်းလမ်း ဖြစ်ပေသည်။

ဆွေငြိမ်းအေး၊ သီရိ